"Ноттингем Форест" клуби марказий ҳимоячиси Мурилло фаолиятини Лондоннинг "Челси" клубида давом эттириши мумкин. Бу ҳақда TEAMtalk хабар бермоқда.
Манбага кўра, "Челси" 23 ёшли бразилияликни анчадан бери кузатиб келмоқда. Бироқ, январь ойида ҳимоячи клуб билан янги шартнома имзолади ва бу "ўрмончилар"нинг мавқеини мустаҳкамлади. Мурилло учун "кўклар" камида 80 миллион евро сарфлашига тўғри келиши айтилмоқда.
Жорий мавсумда футболчи барча турнирларда 13 та учрашувда майдонга тушиб, ўз ҳисобига бир гол ёздириб қўйди. Бразилияликнинг "Ноттингем Форест" билан амалдаги меҳнат шартномаси 2029 йилнинг ёзигача мўлжалланган. Transfermarkt экспертлари Муриллонинг нархини 55 миллион еврога баҳоламоқда.













