Италия чемпионатининг ўн учинчи турида "Наполи" сафарда "Рома" меҳмони бўлиб, Давид Нереснинг ягона голи эвазига ғалаба қозонди. Неапол клубининг даниялик форварди Расмус Хёйлунд ҳам тез орада гол ура олишига умид қилмоқда. Охирги марта бу икки ой олдин содир бўлган эди.
"Албатта, мен ҳам гол уришни хоҳлардим, бу менинг ҳужумчи сифатидаги ишим. Аммо мен шунчаки жамоага ёрдам беришдан ҳам мамнунман, ҳар қандай ҳисса муҳим. Асосийси - ғалаба қозониш, жамоавий муваффақият ҳамма нарсадан устун," - дея Хёйлунднинг сўзларини келтиради calcionapoli1926.it.
"Наполи" кейинги турда Туриннинг "Ювентус" клубига қарши майдонга тушади.
