"Барселона" вингери Ламин Ямал индивидуал ютуқлар ва статистика ҳақида унчалик қайғурмайди. 18 ёшли футболчи майдонда завқ олишни маъқул кўришини тан олди.
"Мен фаолиятим давомида барча рекордларни янгилашга, миллион гол уришга ёки миллион ўйин ўтказишга интиладиганлардан эмасман. Мен ўйиндан завқ олишни истайман - умид қиламанки, замонавий болалар мендан ўрнак олишни хоҳлашади," - деди ёш испаниялик интервьюда.
Ламин Ямал "Барселона" сафида барча мусобақаларда 120 та ўйин ўтказиб, 32 та гол ва 43 та голли узатмани ўз ҳисобига ёздириб қўйган. Испания терма жамоаси сафида футболчи 23 та ўйинда майдонга тушиб, 6 та гол ва 12 та голли узатмани амалга оширди.
