"Бавария" дарвозабони Мануэль Нойер жамоанинг ҳужумчиси Харри Кейн ҳақидаги таассуротлари билан ўртоқлашди. Ҳужумчи 2023 йилда клубга қўшилган. Нойер Кейнни дунёнинг энг кучли ҳужумчиларидан бири деб ҳисоблайди.
"Харри - фаолиятимда кўрган энг кучли ҳужумчилардан бири. У рақиб дарвозаси олдида ажойиб гол инстинктига эга, у танасининг исталган қисми билан гол ура олади ва ҳар доим нишон қаерда эканлигини аниқ билади. У зарба бериш учун қулай вазиятни танлай олади, ҳавода ишончли ўйнайди ва жарима майдони ичида ҳам, унинг ташқарисида ҳам майдонни аъло даражада кўра олади. У ҳимояда жамоага ёрдам беради ва керак бўлганда ортга қайтади. Унда ҳужумчи учун керакли ҳамма нарса бор ва у биз билан эканидан хурсандмиз," - деди Нойер Sky Sport нашрига берган интервьюсида.
Кейн Мюнхен клуби сафида 116 та ўйинда майдонга тушган. Ҳужумчи 109 та гол урди.
