"Барселона"нинг собиқ ҳимоячиси Жерард Пике "Реал"нинг собиқ ҳужумчиси Криштиану Роналдуга қарши ўйинни эслади.
"Криштиану Роналду ҳамма нарсада мукаммал эди. Ҳақиқий футбол машинаси. Унга қарши ўйнаш ниҳоятда қийин эди. Унда ҳамма нарса бор эди: ўнг оёқ, чап оёқ, бош билан ўйнаш, пенальтилар, жарима зарбалари, куч, тезлик... Мутлақо ҳаммаси. У мукаммал тана тузилишига эга эди", - дея Пикенинг сўзларини келтиради Barca Universal.
Роналду 2009-2018 йилларда "Реал" шарафини ҳимоя қилган. Айни дамда 40 ёшли португалиялик Саудия Арабистонининг "Ан-Наср" клубида тўп тепмоқда.
