"Barselona"ning sobiq himoyachisi Jerard Pike "Real"ning sobiq hujumchisi Krishtianu Ronalduga qarshi o‘yinni esladi.
"Krishtianu Ronaldu hamma narsada mukammal edi. Haqiqiy futbol mashinasi. Unga qarshi o‘ynash nihoyatda qiyin edi. Unda hamma narsa bor edi: o‘ng oyoq, chap oyoq, bosh bilan o‘ynash, penaltilar, jarima zarbalari, kuch, tezlik... Mutlaqo hammasi. U mukammal tana tuzilishiga ega edi", - deya Pikening so‘zlarini keltiradi Barca Universal.
Ronaldu 2009-2018 yillarda "Real" sharafini himoya qilgan. Ayni damda 40 yoshli portugaliyalik Saudiya Arabistonining "An-Nasr" klubida to‘p tepmoqda.













