Ўзбекистон футбол ассоциацияси раҳбарияти ҳамда Ўзбекистон профессионал футбол лигаси вакиллари иштирокида келгуси йил учун асосий йўналишлар бўйича йиғилиш ўтказилди.
Учрашув давомида қуйидаги масалалар кўриб чиқилди:
• 2026 йилги тақвимни пухта режалаштириш;
• мусобақалар регламентини такомиллаштириш;
• ўқув курсларининг сифати ва рақобатбардошлигини ошириш;
• ўйин интенсивлигини кучайтириш;
• соф ўйин вақтини кўпайтириш;
• аналитик кўрсаткичлар ва мониторинг тизимини яхшилаш;
• футбол мактаблари ва футбол академияларини тизимли ривожлантириб бориш;
• ҳакамлар фаолиятини ривожлантириш;
• Пролига фаолиятини такомиллаштириш каби масалалар кўриб чиқилди.
Ушбу учрашув футболимизда сифат, тартиб ва самарадорликни оширишга қаратилган келгуси йилги режалар учун муҳим қадам бўлиб хизмат қилади.
