Тони Кроос "Реал"нинг ҳозирги таркибини ўз авлоди билан солиштирмасликка чақирди.
"Биз илгари [жамоада] бўлганлар ҳақида ҳадеб гапиравермаслигимиз керак, чунки бу ҳеч кимга ёрдам бермайди. Мен йўқлигимни эшитишим шарт эмас. Мен табассум ва яхши кайфият билан футболдан кетдим. Жамоа бошқа турдаги ўйинчилар билан ғалаба қозониш йўлини топиши керак. Мен ҳаммасидан ҳам "Реал"нинг ғалаба қозонишини ва бу гаплар тўхташини хоҳлайман.
Ҳозир Хаби учун алоҳида маслаҳатларим йўқ. Бу икки хил авлод ва ўзингизда бор нарсага мослашиш муҳим. Мен улардан бири бошқасидан яхшироқ демоқчи эмасман - бу турли хил ўйинчилар, лекин бу кимдир яхшироқ ёки ёмонроқ дегани эмас. Бу бошқа ўйин," - деди "Реал"нинг собиқ ярим ҳимоячиси.
