Сўнгги пайтларда Сантьяго Хименеснинг "Милан"дан кетиши мумкинлиги тез-тез айтилмоқда. Унга АПЛ клублари қизиқиш билдирмоқда, бироқ футболчининг агенти ўз мижози жамоадан кетишга яқин эмаслигини айтди.
"Бу мавзуда кўплаб спекуляциялар мавжуд. Бир нечта инглиз клублари вазиятга қизиқиш билдираётганини инкор этмайман, бунинг ҳеч қандай жиноий жиҳати йўқ. Аммо у "Милан"ни тарк этишни истамаяпти ва клуб билан барча музокараларимиз яхши кетмоқда. Матбуот жуда кўп спекуляция қилмоқда," - дея агентнинг сўзларини келтиради pianetamilan.it.
Эслатиб ўтамиз, футболчи "Милан"га қадар Нидерландиянинг "Фейеноорд" клуби шарафини ҳимоя қилган.
