Нуфузли "Transfermarkt" портали саҳифаларида жамоаларнинг кадрлар билан боғлиқ муаммолари ҳақида маълумот топиш мумкин. Қизиғи, ҳозир ҳимоячи Рональд Араухонинг саҳифасига кирилса, ноодатий маълумотларни учратиш мумкин. Саҳифада ўйинчининг соғлиғи билан боғлиқ муаммолар бор, лекин жисмоний эмас, балки руҳий. Бундай маълумотларни кўрсатиш ушбу портал учун ҳам, умуман шунга ўхшаш ҳолатлар учун ҳам хос эмас.
"Депрессия. Қайтиш муддати номаълум," - дейилади Араухонинг Transfermarkt порталидаги профилида.
Аввалроқ Ханс-Дитер Флик Араухонинг шахсий муаммолари борлигини айтганди. Хабар қилинишича, уругвайлик футболчи Чемпионлар лигаси доирасида "Челси"га қарши ўйинда қизил карточка олганидан кейин танқидларга учраган.
