"Ливерпуль" скаутлари "Лейпциг"нинг 19 ёшли ҳужумчиси Ян Диомандани ўз сафига қўшиб олишни талаб қилмоқда. Бу ҳақда TEAMtalk хабар бермоқда.

Манбага кўра, ивуарлик футболчини "Арсенал," "Челси," "Манчестер Сити," "Манчестер Юнайтед," "Ньюкасл Юнайтед" ва "Тоттенхэм Ҳотспур" ҳам кузатиб бормоқда, аммо мерсисайдликлар "буқалар" вингерини сотиб олиш учун энг катта номзод ҳисобланади.

Таъкидланишича, немис клуби Диомандани сотмоқчи эмас, аммо унинг шартномасида 100 млн евро товон пули бор.

Жорий мавсумда ҳужумчи барча мусобақаларда 14 та ўйинда майдонга тушиб, 4 та гол ва 4 та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган.