Италия кубогининг 2025/2026 йилги мавсуми 1/8 финали доирасида «Лацио» ўз уйида «Милан»ни қабул қилди. Римда ўтган курашларга бой ўйин 1:0 ҳисобида мезбонларнинг фойдасига ҳал бўлди.
Биринчи таймда ҳар икки жамоа гол уриш имкониятларини ярата олди, аммо вазиятларни аниқ зарбага айлантиришнинг иложи бўлмади. Гол эса учрашув охирига яқин курилди: 80-дақиқада Нуну Тавареш томонидан узатилган бурчак тўпини Маттиа Дзакканьи бош билан дарвозага йўллаб, римликларни олдинга олиб чиқди.
Шу тариқа, «Лацио» мусобақанинг чорак финалига йўл олди, «Милан» эса Италия кубогидаги иштирокини якунлади. Илгаригроқ «Ювентус», «Аталанта», «Наполи», «Интер» ва «Болонья» мусобақанинг 1/4 финалига йўл олиб бўлган эди. Қолган учрашувлар 13 январ ва 27 январ кунлари бўлиб ўтади — «Рома» «Торино»ни қабул қилади, «Фиорентина» эса «Комо»га қарши баҳс олиб боради.
Италия кубоги, 1/8 финал
4 декабрь. Рим. «Олимпико» стадиони.
Лацио — Милан — 1:0
Голлар: 1:0 — Дзакканьи, 80'













