Мадриднинг «Реал» клуби собиқ ҳимоячиси Марсело жамоа ҳужумчиси Килиан Мбаппе ҳақида фикр билдирди.

«У фантастик, ҳайратланарли, жисмоний имкониятларига кўра ҳақиқий мўъжиза. У беқиёс истеъдод эгаси, меҳнаткаш, жангчи, голлар уради… Уни жуда яхши кўраман. У билан бирга ўйнашни истагандим, лекин у бир оз кечроқ келди», — дейди Марсело AS нашрига берган интервьюсида.

Мбаппе 2024 йили «Реал» сафига қўшилган. Унинг мадридликлар билан тузган шартномаси 2029 йилгача амал қилади. Жорий мавсумда француз юлдузи барча турнирлар доирасида 23 та учрашувда майдонга тушиб, 26 та гол урган ва 4 та ассист қайд этган.