Дортмунднинг "Боруссия" клуби марказий ҳужумчиси Фабио Силва Италия чемпионатига кўчиб ўтиши мумкин. Бу ҳақда Corriere dello Sport нашри хабар бермоқда.
Манбага ишонадиган бўлсак, "Рома" 23 ёшли португалияликни ижарага олиш ҳақида ўйламоқда. Эҳтимол, битимга мажбурий сотиб олиш ҳуқуқи ҳам киритилади. Таъкидланишича, агар трансфер амалга ошса, римликлар "Манчестер Юнайтед" ҳужумчиси Жошуа Зиркзеени "таъқиб қилишдан" воз кечади.
Силва жорий мавсум барча мусобақаларда 12та ўйинда майдонга тушиб, 1та гол урди ва 2та ассистни ўз ҳисобига ёздириб қўйди. Transfermarkt экспертлари форварднинг нархини 28 миллион еврога баҳоламоқда.
