"Ливерпуль" бош мураббийи Арне Слот Англия Премьер-лигаси 14-туридан ўрин олган "Сандерленд"га (1:1) қарши ўйинда ярим ҳимоячи Флориан Вирцнинг ҳаракатлари ҳақида фикр билдирди.

"Фақат голлар эвазига ишончга эга бўлиш нотўғри. Унинг ўзига бўлган ишончи тўпни қанчалик тез-тез сўрашидан кўринади. Унда ишонч кўп, аммо у Германиядан жароҳат билан қайтгани ҳам аниқ, шунинг учун у шунча дақиқа ўйнай олаётганидан хурсандман. У яхши ўйнади. У "Сандерленд" дарвозасига урилган голда иштирок этгани ажабланарли эмас, у доимо ҳаракат қилган ва ижодкор бўлганлардан бири эди," - дея Слотнинг сўзларини келтиради Liverpool Echo.