"Бавария" бош мураббийи Венсан Компани жамоа ҳимоячиси Альфонсо Дэвиснинг қачон майдонга қайтиши режалаштирилаётгани ҳақида гапирди. Бу Бундеслига 14-тури доирасида 14 декабрь куни бўлиб ўтадиган "Майнц"га қарши ўйинда содир бўлиши мумкин. Канадалик март ойидан бери майдонга тушмаяпти.
"Бундай узоқ муддатли жароҳатлар билан тиббий нуқтаи назардан ҳамма нарсани тўғри қилиш керак. У "Майнц"га қарши ўйинда майдонга тушишига умид қиляпмиз. Бу энди бонус. Сабрли бўлиш муҳим. Кўрамиз, у "Спортинг"га қарши ўйинда ўйин амалиётига эга бўлмай, қайдномада пайдо бўлармикан?
Альфонсо психологик жиҳатдан жуда кучли. Аввалига унга мотивация топиш учун бироз вақт керак бўлди. Доим жароҳатдан кейин янада кучлироқ қайтиш ҳақида ўйлаш керак. Ишонаманки, у бу жароҳатдан кейин жуда кучли бўлиб қайтади. Ҳозирда Дэвис ҳеч қандай босимни ҳис қилмаяпти", - деди Компани.
