"Реал"нинг афсонавий собиқ футболчиси Марсело Мадрид клубининг бразилиялик вингерлари - Винисиус Жуниор ва Родриго ҳақида гапирди. Уларни буюк футболчилар деб атади. Марсело Виниси ва Родриго аллақачон истиқболли истеъдодлар мақомидан ошиб кетган деб ҳисоблайди.
"Винисиус билан Родриго тўғрисида нима дейишим мумкин? Футболчи сифатида улар ақл бовар қилмас. Инсон сифатида - янада ақл бовар қилмас. Мен уларни 18 ёшидан бери кузатаман, худди Валверде ва Милитао каби. Уларда ҳақиқий буюк футболчиларни кўраман. Улар энди шунчаки истиқболли истеъдодлар эмас. "Реал" ва Бразилия терма жамоасида босим бор, йилдан-йилга натижа кўрсатиш керак. Улар фантастик, уларни катта келажак кутмоқда", - дея Марсело сўзларини келтиради АS портали.
