Норвегия терма жамоаси бош мураббийи Столе Сольбаккен ЖЧ-2026 гуруҳ босқичига қуръа ташлаш маросимини баҳолади.
"Бу "ғалати одамлар шоуси" эди. Худди футбол карточкалари альбомини варақлаётгандек, унда ўтмишдаги юлдузлар ҳам, сизнинг севимли футболчиларингиз ҳам бор эди. У ерда ўтмиш ва ҳозирги давр мураббий афсоналари, шунингдек жаҳон чемпионатида ғолиб бўлган ўйинчилар ҳам бор эди. Айтиш жоизки, саҳнада кўп томошалар бўлди. Яхшиямки, биз аллақачон маросимни тугатдик. АҚШ президенти Дональд Трампга "Тинчлик мукофоти" берилиши ҳақида эса? Жуда муносиб экан (жилмайиб)," - дея Сольбаккеннинг сўзларини NRK келтиради.
Норвегия терма жамоаси I гуруҳига тушди, у ерда Сенегал, Франция ва плей-офф ғолиби (Боливия/Суринам/Ироқ) билан ўйнайди.
