Аргентина терма жамоаси бош мураббийи Лионел Скалони жаҳон чемпионати гуруҳ босқичига қуръа ташлаш натижалари ҳақида гапирди.
Қуръа натижаларига кўра, Аргентина терма жамоаси J гуруҳида ўйнайди, унда Жазоир, Австрия ва Иордания терма жамоалари ҳам бор.
"Жазоир яхши футболчиларга эга яхши жамоа. Австрия саралаш турнирида ажойиб ўйин кўрсатди, шунинг учун ҳам биз учун осон рақиб бўлмайди. Иордания билан яхши таниш эмасмиз, аммо улар жаҳон чемпионатига чиққан бўлса, бунинг ўзига яраша сабаблари бор. Бундай турнирда осон ўйинлар бўлмайди", - деди Скалони.
Жаҳон чемпионати 11 июнь куни бошланиб, 19 июлга қадар давом этади. Турнирда бир вақтнинг ўзида 48 та терма жамоа ўйнайди.
