"Бавария" спорт директори Кристоф Фройнд Дортмунднинг "Боруссия" клуби марказий ҳимоячиси Нико Шлоттербек билан шартнома имзолаш ҳақидаги миш-мишларга муносабат билдирди.
Аввалроқ, 26 ёшли футболчи "Боруссия" билан меҳнат шартномасини узайтирмаслиги ва Германия чемпиони жамоасига кўчиб ўтиши мумкинлиги ҳақида хабарлар тарқалган эди.
"Нико Шлоттербек - жуда, жуда яхши футболчи. Жуда яхши ҳимоячи. Аммо биз таркибимиздан мамнунмиз ва ҳозирда навбатдаги ўйинга эътибор қаратмоқдамиз," - дея функционернинг сўзларини келтиради Sky Sport.
Жорий мавсумда Шлоттербек барча мусобақаларда 14та ўйинда майдонга тушиб, 2та голга ҳаммуаллифлик қилган. Transfermarkt экспертлари футболчининг нархини 40 миллион еврога баҳоламоқда.
