"Барселона" президенти лавозимини эгаллаб турган Жоан Лапорта "кўк-анорранглилар"нинг "Атлетико" устидан эришган ғалабасидан сўнг ўз фикрларини билдирди.
Испания чемпионатининг 15-тур учрашуви Каталония жамоасининг 3:1 ҳисобидаги ишончли ғалабаси билан якунланди.
"Биз чемпионликка даъвогар эканлигимизни исботладик. Айнан шундай ўйинларда биз бу мавсумда яхши натижага эришиш мумкинлигини кўрсатамиз", - деди Лапорта.
Ҳозирги вақтда Ханс-Дитер Флик бошчилигидаги жамоа Ла Лига турнир жадвалида 37 очко тўплаб, пешқадамлик қилмоқда.
