"Ливерпуль" бош мураббийи Арне Слот кутилганидек Муҳаммад Салоҳ ҳақида савол олди.
Шанба куни "қизиллар" Премьер-лига доирасида "Лидс"га қарши ўйинда (3:3) яна очко йўқотишди. Мерсисайдликларнинг рақиблари 96-дақиқада урилган гол эвазига мағлубиятдан қутулиб қолишди. Юлдуз мисрлик учрашув воқеаларини захира ўриндиғида кузатиб борди.
"Биз 2:0 ҳисобида олдинда эдик, кейин 3:2 бўлди. Ўша пайтда биздан гол уриш эмас, ўйинни назорат қилиш талаб этиларди. Одатда гол керак бўлса, Мо майдонга тушади. "Сандерленд" билан ўтган ўйинда шундай бўлганди. Бу сафар бизга бошқа турдаги ўйинчилар керак эди - шунинг учун Эндони майдонга туширдим," - дея Слотнинг сўзларини келтиради ВВС.
