«Интер Майами» ҳужумчиси Лионель Месси клубнинг МЛС кубогидаги ғалабасига муносабат билдирди.
«Майамига келганимдан бери мен бу кунни орзу қилардим. Биз аста-секин ўсиб бордик, ривожландик ва ҳақиқатан ҳам ўзига хос нарса яратдик — ва ниҳоят, бу чемпионликка эришдик. Қўллаб-қувватлагани учун оиламга ва барча мухлисларга, амбициялари ва амалга оширган ишлари учун бутун жамоага, ходимларга ва клуб раҳбариятига раҳмат.
Шунингдек, бу саргузаштга қўшилгани ва уни мукаммал якунлашга ёрдам бергани учун Буси ва Жордига ҳам раҳмат. Мен бу лаҳзани сиз билан баҳам кўраётганимдан жуда хурсандман», — деб ёзди Месси ижтимоий тармоқларда.
2025 йилги МЛС Кубоги плей-офф финал учрашувида «Интер Майами» «Ванкувер Уайткэпс»ни 3:1 ҳисобида мағлубиятга учратиб, Шимолий Америка лигасининг чемпионлик унвонини қўлга киритди.













