Италиялик нуфузли журналист Николо Скира "Милан" нега Майк Меньян билан шартномани узайтиролмаётгани ҳақида ўз маълумотлари билан ўртоқлашди. Унинг сўзларига кўра, Меньян клуб раҳбариятидаги баъзи шахсларни ёқтирмайди.
"Аллегри учун Меньян - энг муҳим футболчи, асосий таркибнинг ажралмас футболчиси. Муаммо шундаки, беш миллион етмаслиги мумкин. Меньян олти-етти миллион олмоқчи. Бундан ташқари, у Фурлани ва Монкада билан музокаралар олиб боришни мутлақо истамайди," - дея Скиранинг сўзларини келтиради pianetamilan.it.
Эслатиб ўтамиз, Меньян "Милан" сафида 2021 йилдан буён тўп суриб келмоқда.
