УФА президенти ва "Милан"нинг собиқ етакчиси Андрей Шевченко Лука Модричнинг "россонерилар" сафига ўтиши ҳақида гапирди.

"Модрични ҳеч ким билан солиштириб бўлмайди. У клубимизга катта мотивация билан келган ҳақиқий мастер, футбол даҳоси. Унда ҳали кўп энергия бор ва у ўзини бутунлай ишга бағишлаганини кўриш ёқимли," - деди Шевченко Tuttosport нашрига берган интервьюсида.

Эслатиб ўтамиз, Модрич "Милан"га қадар 2012-2025 йиллар давомида "Реал" шарафини ҳимоя қилган. "Қаймоқранглилар" сафида у тўрт марта Испания чемпионлигини, икки марта Испания кубогини, шунингдек, олти марта Чемпионлар лигасини қўлга киритган.

Жорий мавсумда футболчи "Милан" сафида барча мусобақаларда 14 та ўйинда майдонга тушиб, 1 та гол урди ва 2 та голли узатмани амалга оширди.