Мадриднинг "Реал" клуби "Сельта"га қарши кечаётган бугунги ўйин Килиан Мбаппе учун Ла Лига доирасидаги 50-ўйин бўлмоқда.
26 ёшли ҳужумчи "қаймоқранглилар" сафида асосий таркибда майдонга тушди. Испания чемпионатининг олдинги 49 та ўйинида юлдуз француз 47 та гол урди ва еттита голли узатмани амалга оширди - бу ҳар бир ўйинда ўртача бир мартадан кўпроқ самарали ҳаракат дегани.
Килиан Мбаппенинг Ла Лиганинг жорий мавсумидаги статистикаси янада ҳайратланарли: 15 та учрашувда 16 та гол ва тўртта голли узатма. Ҳужумчи тўпурарлар пойгасида "Барселона" аъзоси Ферран Торресни (11 гол) ортда қолдириб, ишончли тарзда етакчилик қилмоқда.
