Madridning "Real" klubi "Selta"ga qarshi kechayotgan bugungi o‘yin Kilian Mbappe uchun La Liga doirasidagi 50-o‘yin bo‘lmoqda.
26 yoshli hujumchi "qaymoqranglilar" safida asosiy tarkibda maydonga tushdi. Ispaniya chempionatining oldingi 49 ta o‘yinida yulduz fransuz 47 ta gol urdi va yettita golli uzatmani amalga oshirdi - bu har bir o‘yinda o‘rtacha bir martadan ko‘proq samarali harakat degani.
Kilian Mbappening La Liganing joriy mavsumidagi statistikasi yanada hayratlanarli: 15 ta uchrashuvda 16 ta gol va to‘rtta golli uzatma. Hujumchi to‘purarlar poygasida "Barselona" a’zosi Ferran Torresni (11 gol) ortda qoldirib, ishonchli tarzda yetakchilik qilmoqda.
