Душанба куни эрталаб Мадриднинг "Реал" клуби жамоа бош мураббийи Хаби Алонсонинг келажагини ҳал қилиш учун фавқулодда йиғилиш ўтказди. Бу ҳақда EL MUNDO хабар бермоқда.
Манбага ишонадиган бўлсак, раҳбариятда ҳали якуний қарор йўқ, чунки хўжайинлар икки лагерга бўлинган. Таъкидланишича, Чемпионлар лигасида "Манчестер Сити"га қарши кечадиган ўйин Алонсо учун сўнгги имконият бўлиши мумкин.
Аввалроқ, "Реал" Испания чемпионатининг 15-турида ўз майдонида "Сельта"га ютқазиб, "Барселона"дан 4 очко ортда қолганди. Испания Ла Лигасининг сўнгги беш ўйинида "қаймоқранглилар" атиги битта ғалабага эришди.













