Dushanba kuni ertalab Madridning "Real" klubi jamoa bosh murabbiyi Xabi Alonsoning kelajagini hal qilish uchun favqulodda yig‘ilish o‘tkazdi. Bu haqda EL MUNDO xabar bermoqda.

Manbaga ishonadigan bo‘lsak, rahbariyatda hali yakuniy qaror yo‘q, chunki xo‘jayinlar ikki lagerga bo‘lingan. Ta’kidlanishicha, Chempionlar ligasida "Manchester Siti"ga qarshi kechadigan o‘yin Alonso uchun so‘nggi imkoniyat bo‘lishi mumkin.

Avvalroq, "Real" Ispaniya chempionatining 15-turida o‘z maydonida "Selta"ga yutqazib, "Barselona"dan 4 ochko ortda qolgandi. Ispaniya La Ligasining so‘nggi besh o‘yinida "qaymoqranglilar" atigi bitta g‘alabaga erishdi.