"Ливерпул"га эгалик қилувчи Fenway Sports Group компанияси "қизиллар" бош мураббийи Арне Слотга яқинда жамоа вингери Муҳаммад Салоҳ билан боғлиқ можаро ва мерсисайдликларнинг муваффақиятсиз натижаларига қарамай, тўлиқ ишонишда давом этмоқда. Бу ҳақда The Athletic онлайн нашри хабар бермоқда.

Слот 2024 йилнинг ёзида "Ливерпул"ни қабул қилиб олди. Унинг қўл остида "қизиллар" 2024/2025 йилги мавсумда Англия чемпионлигини қўлга киритди. Маълумот учун, мерсисайдликлар 15 ўйин натижасига кўра 23 очко жамғариб, АПЛ турнир жадвалида тўққизинчи ўринда бормоқда.

9 декабрь, сешанба куни "қизиллар" УЕФА Чемпионлар лигаси 6-туридан ўрин олган "Интер"га қарши баҳс олиб боради.