"Ливерпул"нинг собиқ яримҳимоячиси Денни Мёрфи "қизиллар" вингери Муҳаммад Салоҳнинг жамоа бош мураббийи Арне Слотни танқид қилган шов-шувли эпизодига изоҳ берди. Аввалроқ, мисрлик нидерландиялик мутахассис билан ҳеч қандай алоқаси йўқлигини айтганди. Шунингдек, ҳужумчи асосий таркиб учун курашмаслиги кераклигини таъкидлади.
"Биз бу ҳис-туйғулар эканлигини жуда яхши тушунамиз. Ҳар ким майдонда ўз ўрни учун курашни давом эттириши керак. Жаҳл қилиш ва норози бўлиш одатий ҳол деб ўйлайман. Масала фақат шундаки, бундай муаммоларни жойида ҳал қилиш керак. Арненинг эшигини тақиллат. Бош директорнинг олдига бор. Клуб хўжайинига. Нима қилиш керак бўлса, шуни қил.
Салоҳ бу ҳаракати билан "Ливерпул"га, мураббийга муаммо туғдирмоқда. Ва ўзини ёмон кўрсатади. Бундай қилиш мумкин эмас", - дея Мёрфининг сўзларини келтиради Британиянинг Daily Mail онлайн-нашри.
