Собиқ ҳакам Альфонсо Перес Буррул Ла Лига доирасидаги "Реал" - "Сельта" (0:2) учрашуви бош ҳаками Алехандро Кинтеронинг қарорларига изоҳ берди.

Ушбу ўйинда мадридликларнинг икки футболчиси - Фран Гарсия ва Альваро Каррерас майдондан четлатилди.

Гарсия бир дақиқа ичида иккита сариқ карточка олди. Каррерас ҳакам билан тортишгани учун сариқ ва тўғридан-тўғри қизил олди.

"Франс Гарсиянинг иккита сариқ карточкаси тўғри кўрсатилган деб ўйлайман. Мураббийининг реакцияси ўз-ўзидан маълум. Аммо ҳакам Каррерас билан боғлиқ вазиятга бошқача муносабатда бўлиши керак эди. Бу ҳакамнинг хатоси. У ўйиндан кейин босимга дош бериши керак бўлади. Аммо бу натижага таъсир қилди, деб ўйламайман", - деди Альфонсо Перес Буррул.