Хаби Алонсо билан хайрлашиши мумкин бўлган "Реал" бош мураббийликка Зинедин Зиданни таклиф қилиши мумкинлиги ҳақида аввалроқ хабарлар чиққан эди. Қайд этилишича, ҳозирда французнинг "қаймоқранглилар" мураббийлигига учинчи марта келиши эҳтимоли юқори эмас.
Transfer News Live нашрининг AS нашрига таяниб хабар беришича, "Реал" Зиданнинг мураббийлик лавозимига қайтиши ҳақида ўйламаяпти.
Қайд этилишича, Зидан Франция футбол федерацияси билан чуқур музокаралар олиб бормоқда ва 2026 йилги жаҳон чемпионатидан кейин терма жамоа бошқарувида Дидье Дешамнинг ўрнини эгаллаши аниқ.
"Реал" Испания чемпионатида "Сельта"дан (0:2) учралган мағлубиятдан сўнг "Барселона"дан 4 очко ортда қолмоқда.
