"Милан" вингери Кристиан Пулишич Европанинг топ-5 лигаларидан бирида захирадан майдонга тушиб, икки ва ундан ортиқ гол урган АҚШ терма жамоасининг бу асрдаги учинчи футболчисига айланди, деб ёзади Opta.
Аввалроқ "Сошо" ҳужумчиси Чарли Дэвис 2009 йилда ва "Монако" форварди Фоларин Балогун 2024 йилда худди шундай натижага эришган эди.
27 ёшли хавбек 14-тур доирасида "Торино"га қарши сафар ўйинида (3:2) 66-дақиқада захирадан майдонга тушди. У 67-дақиқада биринчи голни урган бўлса, 77-дақиқада жамоасига ғалаба келтирган иккинчи голни урди.
2025/26 йилги мавсумда Пулишич 12 та ўйинда 9 та гол урди ва 2 та голли узатмани амалга оширди.
