"Барселона" ҳимоячиси Рональд Араухо сўнгги ўйинларда психологик муаммолар туфайли майдонга тушмади. Миш-мишларга кўра, бу иш ҳатто уругвайлик футболчининг фаолиятини якунлашига қадар етиб бориши мумкин.
Ҳозирча Араухо Тель-Авивга бориб келишга қарор қилди. Футболчи Исроилга сафари унга руҳий жиҳатдан ёрдам беришига ва кейинчалик майдонга янги куч билан қайтишига умид қилмоқда.
Эслатиб ўтамиз, Рональд Араухо Чемпионлар лигасида "Челси"га қарши ўйинда қизил карточка олганидан кейин танқидларга учраган эди. Ўша оқшомда "Барселона" Лондонда 0:3 ҳисобида мағлуб бўлди.
