"Интер Майами" ҳужумчиси Лионель Месси кетма-кет иккинчи марта МЛСда мавсумнинг энг яхши футболчиси деб топилди. Бу ҳақда лиганинг расмий сайтида айтилган.

Аргентиналик юлдуз MLS тарихида ушбу совринни кетма-кет икки марта қўлга киритган биринчи футболчига айланди. Ўтган мавсумда 49 та ўйинда футболчи 43 та гол урди ва 26 та голли узатмани амалга оширди.

Бундан ташқари, Месси кетма-кет иккита чемпионат ўйинида камида 36 та гол урган MLSнинг биринчи футболчиси ҳисобланади. Турнирнинг плей-офф босқичида аргентиналик футболчи 15 та гол урди, бу ҳам рекорд ҳисобланади. Ўтган мавсумда Месси жамоасига MLS кубогини қўлга киритишга ёрдам берганди.