"Интер" ўз майдонида Чемпионлар лигаси гуруҳ босқичи 6-туридан ўрин олган баҳсда "Ливерпуль"га (0:1) ютқазиб қўйди.
Шу тариқа, Кристиан Кивунинг жамоаси турнирда кетма-кет иккинчи мағлубиятга учради - 5-турда "нерадзуррилар" "Атлетико"га ютқазди (1:2).
Бунгача "Интер" Чемпионлар лигасида кетма-кет 4 ўйинда ғалаба қозонганди - "Аякс" (2:0), "Славия" (3:0), "Юнион" (4:0) ва "Қайрат"га (2:1) қарши ўйинларда.
Италияликлар 7-турда ўз майдонида "Арсенал"га қарши баҳс олиб борса, 8-турда "Боруссия" Дортмунд меҳмони бўлади.













