"Эвертон" клуби қанот ҳужумчиси Жек Грилиш жамоада қолмоқчи. Бу ҳақда Football Insider нашри хабар бермоқда.
Манбага кўра, 30 ёшли футболчи "Эвертон"да ҳаётдан завқ олмоқда. У клубда Дэвид Мойес қўл остида ўйнашни давом эттирмоқчи.
Таъкидланишича, "Эвертон" ижара муддати якунлангач, Грилишни "Манчестер Сити"дан сотиб олиш имкониятига эга. Аммо юлдузнинг тўлақонли трансфери "ирислар"га 57 миллион еврога тушади. Таъкидланишича, Ливерпуль клуби 34 миллиондан ортиқ тўлашга тайёр эмас ва футболчининг нархини туширишга умид қилмоқда.
"Эвертон" 30 ёшли Грилишни ўтган ёзда "шаҳарликлар"дан ижарага олган эди. Ўшандан бери вингер барча турнирларда 16 та ўйинда майдонга тушиб, иккита гол урди ва тўртта голли узатмани амалга оширди.
