Европа Чемпионлар лигаси умумий босқич 6-туридан ўрин олган ўз майдонидаги ўйинда "Реал" "Манчестер Сити"га 1:2 ҳисобида имкониятни бой бериб қўйди. "Қироллик клуби" дарвозабони Тибо Куртуа ушбу баҳс ҳақидаги фикрлари билан ўртоқлашди.
"Рақибнинг голларидан кейин ўзимизга бўлган ишончни йўқотмадик. Аммо мағлубиятни қабул қилиш осон эмас. Танаффусдан кейин биринчи бўлимдаги яхши ўйинимизни такрорламоқчи эдик, аммо "Сити" кучлироқ бўлиб чиқди. Жамоа 100% кучини сарфлади, аммо ғалаба қозона олмади," - дея бельгияликнинг сўзларини келтиради УEФА матбуот хизмати.
Чемпионлар лигаси умумий босқичининг 6 туридан сўнг "қаймоқранглилар" 12 очко билан турнир жадвалида еттинчи ўринда бормоқда.
