Хаби Алонсога босим "Реал" Чемпионлар лигасида "Манчестер Сити"дан (1:2) учралган мағлубиятдан кейин кучайди. Матбуотда ёзилишича, яқин ҳафталарда мадридликлар Хаби Алонсони истеъфога чиқармайди, аммо натижалар яхшиланмаса, "қаймоқранглилар" бундай йўл тутиши мумкин.
Сўнгги пайтларда "Реал" билан боғланаётганлардан бири Юрген Клопп ҳисобланади. The Sun нашрининг Defensa Central’га таяниб хабар беришича, германияликнинг "Ред Булл" билан шартномасида алоҳида банд бор. Унда Клопп топ-клубдан таклиф тушса, лавозимини тарк этиши мумкинлиги айтилган. "Реал" ҳам бу рўйхатдан ўрин олган.
Агар маълумотлар рост бўлса, унда "Реал" Юрген Клоппни товон пулисиз жамоага олиб келиши мумкин.
