"Бавария" ҳамон марказий ҳимоячи Дайо Упамекано билан янги шартнома борасида келиша олмаяпти.
Француз вакиллари имзолаш бонуси ва турли устамаларни ўз ичига олган талабларни илгари сурди. Футболчининг ўзи ҳам Мюнхенда қолишга қарши эмас, бироқ унинг барча сўровлари қаноатлантирилган тақдирдагина рози, деб ёзади журналист Георг Хользнер. Упамекано ён бермоқчи эмас. Шу билан бирга, манбанинг таъкидлашича, Мадриднинг "Реал" ва "ПСЖ" клублари 27 ёшли марказий ҳимоячининг шартларини маъқуллашга тайёр.
Дайо Упамеканонинг амалдаги шартномаси 2026 йил июнь ойи охирида тугайди. Футболчи 2021 йилдан бери "Бавария" шарафини ҳимоя қилиб келмоқда.













