Финляндиянинг "Хака" клуби мухлислари жамоа Олий лигадан тушиб кетганидан кейин стадионни ёқиб юборди, деб ёзади Yahoo Sports.
Етакчи терговчининг расмий баёнотида таъкидланишича, Финляндия полицияси воқеа жойида 15 ёшга тўлмаган уч нафар ўсмирни қўлга олган. Улардан бири ёнғинга сабаб бўлгани тахмин қилинаётган қандайдир объектга ўт қўйганини тан олди.
Ёнғин 400 га яқин томошабинга мўлжалланган ёғоч трибуналарни бутунлай йўқ қилди. Стадионнинг умумий сиғими 3000 кишидан ошади. Ёнғин сунъий чим майдонларига ҳам ўтиб, қопламанинг бир қисмини яроқсиз ҳолга келтирган.

Воқеадан сўнг дарҳол клуб вакиллари ва Валкеакоски муниципалитети аренани имкон қадар тезроқ ишчи ҳолатга қайтариш учун объектни тиклаш ва реконструкция қилиш бўйича мумкин бўлган қадамларни ўрганаётганини эълон қилди. Биринчи чора-тадбирлар шикастланган конструкцияларни демонтаж қилиш зарурлигини баҳолашни, шунингдек, сунъий чимни тозалаш ва таъмирлашни ўз ичига олади.













