"Ноттингем Форест" устози Шон Дайч "Утрехт" устидан қозонилган ғалабадан кейин ўз фикрлари билан ўртоқлашди. "Ўрмончилар" Европа лигасида, меҳмонда 2-1 ҳисобида зафар қучган эди. Ўйиндан кейин инглиз мутахассиси шундай дейди:
"Бугун йигитлар ҳақиқий ирода намойиш этишди. Масалан, Дуглас Луис жароҳатдан қайтгач, 2 кунгина машқ қилди. Лекин асосий таркибда ажойиб ўйнаб берди. Зинченко ҳам узоқ вақтдан кейин майдонга тушган эди.
Вазиятга қараб, уларни туширишга мажбур бўлдик. Чунки, жароҳатлар бизни қийнамоқда. Мурилё ҳам бир ҳафтача шамоллашдан азият чекди. Лекин қанчалик оғир бўлмасин, шундай танлов қилишимиз керак эди".
