"Барселона"нинг собиқ спорт директори Йорди Кройф клубда Рафинья Диас ва Антони ўртасида қандай танланов бўлгани ҳақида гапириб берди.
"Кўк-анорранглилар" Рафиньяни 2022 йил июль ойида "Лидс"дан сотиб олишган. Ўша ёзда Антони "Аякс"дан "Манчестер Юнайтед"га ўтди.
"Барселона"да ишлаганимда Рафинья ва Антонидан бирини танлашимизга тўғри келган. Биз биринчисини афзал кўрдик, чунки у ўша пайтга келиб Премьер-лигада ўзини кўрсатиб бўлганди - демак, уни "Барса"да муваффақиятсизликка учраган тақдирда ҳам катта суммага сотиш мумкин эди. Антони ҳақида бундай деб бўлмайди," - дея 2023 йилда Каталония клубидаги лавозимини тарк этган Йорди Кройфнинг сўзларини келтиради The Touchline.
Рафинья "Барселона" етакчиларидан бирига айланди, Антони эса "Манчестер Юнайтед"даги муваффақиятсиз мавсумлардан сўнг "Бетис"га ўтди.













