Лондоннинг "Тоттенхэм" клуби "Борнмут" вингери Антонио Семеньо учун курашда чекинмоқчи эмас.
Аввалроқ, Семеньо "Тоттенхем"дан кўра "Арсенал"га ўтишни афзал кўраётгани ҳақида хабарлар тарқалган эди.
Бироқ, журналист Сами Мокбелнинг таъкидлашича, "шпорлар" 25 ёшли футболчига молиявий жиҳатдан энг фойдали таклифни беришга тайёр. Таъкидланишича, Семеньонинг 74 миллион евролик товон пули "Тоттенхэм" учун муаммо бўлмайди. Бўлажак трансферлар ойнаси учун пойтахт клуби катта маблағ ажратиши кутилмоқда.
Семеньо жорий мавсум Англия Премьер-лигасида 14 та ўйинда майдонга тушиб, 6 та гол билан рақибларини ранжитди ва 3 та голли узатмага муаллифлик қилди.
