Londonning "Tottenxem" klubi "Bornmut" vingeri Antonio Semenyo uchun kurashda chekinmoqchi emas.

Avvalroq, Semenyo "Tottenxem"dan ko‘ra "Arsenal"ga o‘tishni afzal ko‘rayotgani haqida xabarlar tarqalgan edi.

Biroq, jurnalist Sami Mokbelning ta’kidlashicha, "shporlar" 25 yoshli futbolchiga moliyaviy jihatdan eng foydali taklifni berishga tayyor. Ta’kidlanishicha, Semenyoning 74 million yevrolik tovon puli "Tottenxem" uchun muammo bo‘lmaydi. Bo‘lajak transferlar oynasi uchun poytaxt klubi katta mablag‘ ajratishi kutilmoqda.

Semenyo joriy mavsum Angliya Premyer-ligasida 14 ta o‘yinda maydonga tushib, 6 ta gol bilan raqiblarini ranjitdi va 3 ta golli uzatmaga mualliflik qildi.