"Бавария"нинг собиқ дарвозабони Оливер Кан бош мураббий Хаби Алонсонинг "Реал"даги фаолияти ҳақида фикр билдирди.
Ла Лигада мадридликлар 16 ўйиндан сўнг турнир жадвалида 2-ўринда бормоқда ва "Барселона"дан 4 очко ортда қолмоқда.
"Реал"нинг натижаларидан ҳайрон эмасман, чунки бош мураббийнинг ғоялари "Мадрид"га тўғри келмайди.
Хабининг тизимли футбол ва позицион ўйинга асосланган ёндашуви жуда ўзига хос ўйинчиларни талаб қилади. Аммо "Реал"да футбол услуби бутунлай бошқача.
Бу клубда гап эркинлик ва индивидуаллик ҳақида боради. Футболчилар маълум бир тизимда ўйнашга мажбур қилинишини хоҳламайди - асосий тушунмовчилик мана шунда.
Суперюлдузларга маълум бир тизимда ўйнаш кераклигини айта бошлайдиган мураббий эмас, балки уларни бирлаштиришнинг энг яхши йўлини топадиган мураббий керак", - деди Оливер Кан.
