Хосеп Гвардиола жума кунги матбуот анжуманида иштирок этмади. Бош мураббий ўрнига журналистлар билан мулоқот қилиш учун "Манчестер Сити" мураббийлар штаби аъзоси Коло Туре келди. У Гвардиоланинг йўқлигига изоҳ берди.
- Пеп билан ҳаммаси жойида. Шунчаки унинг келишига йўл қўймаган майда-чуйда деталлар бор, лекин ҳаммаси жойида. У ўйинда аниқ иштирок этади", - деди Туре журналистларга.
"Манчестер Сити" 14 декабрь, якшанба куни Лондонда Премьер-лига доирасида "Кристал Пэлас"га қарши баҳс олиб боради. Старт ҳуштаги Тошкент вақти билан соат 17:00 да янграйди.
