"Рома" чап қанот ҳимоячиси Костас Цимикаснинг ижарасини муддатидан олдин бекор қилиш ҳақида ўйламоқда.
Римликлар 29 ёшли футболчини август ойи охирида "Ливерпуль"дан ижарага олган эди. Инсайдер Николо Скиранинг маълум қилишича, "бўрилар" бош мураббийи Жан-Пьеро Гасперини грецияликнинг ўйинларидан норози. Катта эҳтимол билан "Рома" январь ойида ижара шартномасини бекор қилади.
Костас Цимикас жорий мавсум Италия жамоаси сафида 11 та ўйинда майдонга тушди ва 1 та голли узатмани амалга оширди. "Ливерпуль" ҳам ҳимоячига ишонмайди, шунинг учун қишки трансферлар вақтида унга янги клуб топишга ҳаракат қилиб кўришади. Transfermarkt портали латералнинг нархини 18 млн еврога баҳоламоқда.
