"Реал" юристлари Негрейра иши бўйича судда "Барселона" президенти Жоан Лапортага саволлар беришди.
Мадрид клуби вакиллари суд жараёнида хусусий айбловчи сифатида иштирок этди.
"Реал" юристлари Лапортадан ҳакамлар техник қўмитаси (CТА) собиқ витсе-президенти Хосе Мария Негрейра учун тўловларнинг 800 фоизга оширилиши сабаблари, Негрейранинг ўғли ҳакамлар ҳақидаги ҳисоботларни тайёрлашда ва уларга тўловларни олишда иштирок этгани ҳақида сўрашди.
Бундан ташқари, ҳуқуқшунослар "Барселона" нима учун тўловларни солиқ органларидан яширгани билан қизиқди.
Эслатиб ўтамиз, 2023 йилда "Барселона" ва унинг раҳбарияти Испания Қироллик футбол федерациясида (РФЕФ) ишлаган Ҳакамлар техник қўмитаси (CТА) собиқ витсе-президенти Хосе Мария Энрикес Негрейрага пора беришда айбланган эди.
